Për Xhelal Inspektorin dhe Ligjet e Tij

Maska juaj po çirret, pafytyrësisë tuaj me maskë në fytyrë po i del ngjyra, drejt vetëvendosjes deri në vetëvendosje. “Po normal që nuk janë të kënaqun që po jua...

Maska juaj po çirret, pafytyrësisë tuaj me maskë në fytyrë po i del ngjyra, drejt vetëvendosjes deri në vetëvendosje.


Konfiskimi i Kombi-Busëve të Mitrovicës nga urdhërat 'ligjore' të Xhelal Inspektorit (Foto: KosovaLive360)

Konfiskimi i Kombi-Busëve të Mitrovicës nga urdhërat ‘ligjore’ të Xhelal Inspektorit (Foto: KosovaLive360)

“Po normal që nuk janë të kënaqun që po jua konfiskojmë, por na jemi të detyrum me zbatue ligjin”, kjo është përgjigja e kryeinspektorit të komunës së Prishtinës Xhelal Sveçla, të cilit i tingëllonin absurde (siç edhe janë!) dikur arsyetimet e njësitit special të policisë së Hashim Thaçit, të cilët ua gjymtonin kockat aktivistëve të lëvizjes së atëhershme Vetëvendosje në emër të ‘zbatimit të ligjit’, kur ata protestonin duke kërkuar materializimin e të drejtës fundamentale të lirisë kolektive atë për Vetëvendosje, e cila ende nuk iu njihet qytetarëve të Kosovës, për çfarë partia e Xhelalit duket të jetë pajtuar.

Sot Xhelali, i cili i takon klikës së puçistëve të Albin Kurtit, të cilët i bënë puç kryengritjes së shkurtit 2007, po e përdor pikërisht policinë e Hashim Thaçit, të cilët dikur bashkë-aktivistëve të tij ua thyenin kockat me kërbaç të hekurt rrugëve të Kosovës. Zgjidhja ishte, është dhe mbetet në rrugë. E, taksistët e Mitrovicës duhet të rezistojnë kundër sistemit të padrejtë shtypës, të cilit dashakeqësisht dhe qëllimisht i është bashkuar klika e Albin Kurtit në partinë e vetëquajtur ‘Lëvizja Vetëvendosje’.

“Tregoni kush o përfshi në sulmin ndaj makinës zyrtare të inspektorëve komunal, mos t’ju zgedhim na njo-ka-njo tash” iu drejtohej rreshteri i njësitit intervenues të policisë, mitrovicasve, të cilët vendosshmërisht ishin përpjekur për ta mbrojtur bukën e gojës për fëmijët e tyre, por ata refuzuan urdhrin e pushtetit të dhunshëm të Hashim Thaçit, të cilin mekanizëm të dhunës sot po e përdor Xhelal inspektori. Xhelal, ata të gjithë u përgjigjën “edhe unë jam Taksist” dhe ashtu urdhri juaj për zbatimin e ligjit i futi emrat e tyre nën hetime, dhe po i mban 48 orë në qelitë tuaja, në një përpjekje për t’ua grabitur kafshatën e gojës.

Derisa pushteti i Hashim Thaçit, i përbërë nga njerëz të dyshuar për krime lufte, ekonomike dhe politike, i mbështetur nga partitë politike të cilat poashtu përbëhen nga njerëz të dyshuar për përfshirje në krim të organizuar (shih dosjet ndërkombëtare!) e ka çuar vendin në krizë të thellë sociale, ekonomike e politike, departamenti i menaxhimit të konflikteve qytetar-qeveri të cilin suksesshëm (deri më tash!) e ka menaxhuar Albin Kurti dhe klika e tij partiake, ua ka ndërsyer policinë e Hashim Thaçit mitrovicasve të cilët përpiqen t’i mbajnë gjallë familjet e tyre të uritura për bukë, e të etura për ujë. E Albin Kurti ty dhe klikës tënde, kështu po i çirret maska. Ju mund t’i mashtroni disa njerëz për disa ditë, por nuk do të mund t’i mashtroni të gjithë njerëzit gjithmonë.

Një ditë ne, njerëzit e uritur për bukë, e të etur për ujë, do t’ju dalim në rrugë, e nga rruga do t’ju dëbojmë. E atëherë, nuk do t’ju shpëtojë as ndërsimi i milicëve të Hashim Thaçit e as ushtria e huaj kolonizuese. Maska juaj po çirret, pafytyrësisë tuaj me maskë në fytyrë po i del ngjyra, drejt vetëvendosjes deri në vetëvendosje.

https://www.facebook.com/GazetaExpress/posts/10152461698786711

Vedat Xhymshiti; është gazetar, redaktor dhe fotograf i pavarur. Ai është fokusuar në çështjet e politikës së brendshme të Kosovës, Politikës së Jashtme të Shteteve të Bashkuara të Amerikës, Federatës Ruse, Bashkimit Evropian dhe Lindjes së Mesme. Xhymshiti është fokusuar edhe në çështjet e politikës së racës, gjinisë, identitetit, migrimit si dhe shpërnguljes së njerëzve për shkak të ndryshimeve klimatike dhe konflikteve të armatosura. Ai është publikuar në media të ndryshme duke përfshirë Der Spiegel, NY Times, TIME, Paris Match, Le Monde etj. Xhymshiti është gjithashtu kritik i medias së shkruar dhe themelues i THE Frontliner.

është krim të largohesh nga polemika. ...

Ndërlidhje e artikujve të ngjashëm. ...